Камчатка – сәмт, маי ӄаיт итיэ ксуњԓӄзукнэיн итәнмәיн. Мизвин сәмт ӽамух әњч, тхיал мозно лакас, әӈӄа итәнмәיн скәзнэיн дивнэ эк часыт.
Алхалалалай — ит՚энан итәнмән՚ин обрядовой ч՚ахԓэс Кавралк ноябрях՚ал 1988 годанк. Ч՚ахԓэс тэнаӄ кскнэ՚н книганк «Ланом сәмткит Камчатка» С.П.Крашенинникованк.
Ӄэмӄэ ч՚амзанлалк кӈалос тнакола՚н к՚э ӈытэзнэн тынувал эк традиция՚н. Итəнмə՚нк кӈалос – ты՚н тнакол. Ӄа՚т ит՚э мизвин кӈалоса՚нк ӄэмӄэ скəзнэн əннан вэтвэт: иӽԓӽэ՚н к՚элвэнтзокнэ՚н эк промосља՚ԓкнэ՚н, кскнэ՚н мэмэ՚н эк тхту՚н, ксэйонэӈкнэ՚н кисткит, кӈалоскит, ͦ ӄсӽа՚нкит, ӽэ мимсхэ՚н ԓӄзувэ՚н тэӈлаӽа՚н ӈичэ՚н, сэйонэӈлаӽа՚н лаӽсӽа՚н, минэ՚н ӈытэзнэ՚н кистэ՚ин ойэлатном.
Ламԓ хкалаӽ инхт итәнмә՚нк. Нада әњч скәс кӈалосанкэ, ͦ ӄсӽа՚нкэ: соља՚ԓэс, әнк՚эзвэс, ͦ ӄсӽа՚нкэ сатос ӄэ՚мк
